Макалага коюлган талаптар

МАКАЛАГА КОЮЛГАН НЕГИЗГИ ТАЛАПТАР

Кол жазмалар журналдын электрондук дарегине жөнөтүлүшү керек: openjournal.ei@gmail.com

Кол жазмалар .doc жана .docx форматтарында жөнөтүлүшү керек.

"Евразия изилдөөлөрү ачык журналы" оригиналдуу изилдөөлөрдүн жыйынтыктарын, концептуалдык жана теориялык анализдерди, басылмаларга рецензияларды, илимий билдирүүлөрдү ж.б. камтыган илимий изилдөө макалаларын жарыялайт.

Журнал башка мезгилдүү басылмаларда мурда жарыяланбаган оригиналдуу материалдарды гана жарыялайт. Журнал үч тилде: кыргыз, орус жана англис тилдеринде макалаларды жарыялайт.

Изилдөө макаласы төмөнкүлөрдү чагылдырышы керек:

  • маселенин коюлушу, анын актуалдуулугу жана илимий жаңылыгы;
  • маселени талдоо жана методдор;
  • маселени чечүү боюнча авторлордун сунуштары;
  • корутундулар жана күтүлгөн таасир.

Бардык макалалар милдеттүү түрдө антиплагиат тестинен өтөт. Макаланын текстинин талап кылынган оригиналдуулугу 70% кем эмес болушу керек. Авторлор ошондой эле этикалык жоопкерчилик формасынын жана авторлор кол койгон автордук укук формасынын сканерленген көчүрмөсүн (PDF же JPEG форматында) тапшырышы керек.

"Евразия изилдөөлөрү ачык журналына" макала жөнөткөн бардык авторлор "Евразия изилдөөлөрү ачык журналынын" Жарыялоо этикасынын саясатында баяндалган бардык милдеттенмелерди кабыл алды деп жана алардын материалдарын редакциялык кароого макулдук берди деп эсептелет.

Жарыяланган материалдардын авторлору фактылардын, цитаталардын, аты-жөнүн жана берилген башка маалыматтардын тандалышы жана аныктыгы үчүн, ошондой эле ачык жарыялоого жатпай турган маалыматтардын мазмуну үчүн жоопкерчилик тартат.

Редакцияга жөнөтүлгөн материалдар төмөндөгү талаптарга ылайык жасалгаланышы керек. Рецензенттердин жана редакторлордун сунуштары 30 күндүн ичинде оңдолуп, почта аркылуу жооп берилет. Эгерде бул эрежелер жана талаптар аткарылбаса, редакция алдын ала кароосуз макалаларды четке кагуу укугун өзүнө калтырат.

Берилген материалдардын болжолдуу жарыялоо мөөнөтү келип түшкөн күндөн тартып алты айга чейин. Бир жолу четке кагылган макаланы кайра жөнөтүүгө болбойт.

Автор ошондой эле изилдөөнү каржылоонун булагын көрсөтүүгө милдеттүү.

 

ТЕХНИКАЛЫК ТАЛАПТАР

Макала төмөнкү структурага ылайык түзүлүшү керек:

  • УДК;
  • Макаланын аталышы үч тилде (кыргыз, орус жана англис);
  • Автор(лор) жөнүндө маалымат үч тилде (кыргыз, орус, англис). Автор(лор)дун жеке маалыматы (фамилиясы, аты, атасынын аты; илимий даражасы жана наамы, иштеген жери жана кызматы; телефон номери, электрондук почтасы) үч тилде;
  • Аннотация (100-150 сөз) үч тилде: кыргыз, орус жана англис. Аннотация өзүндө камтышы керек: изилдөө темасынын актуалдуулугу, көйгөйдүн коюлушу, изилдөө максаттары, изилдөө ыкмалары, натыйжалар жана корутундулар.
  • Ачкыч сөздөр үч тилде жазылган (4-6 сөз): кыргыз, орус жана англис;
  • Колдонулган адабияттар (Библиография);
  • Кол жазма электрондук форматта берилет, Times New Roman шрифти 12, сап аралыгы 1.15, абзац 0.5;
  • Кагаздын чектери: сол, оң, үстү, асты – 2 см
  • Шилтемелер ушул формада болушу керек: [5, б. 67], башкача айтканда, библиографиядагы булак номери жана ал булактагы беттин номери көрсөтүлөт. Эгерде барактар ​​көрсөтүлбөсө, анда шилтеме [5] формасында;
  • Кол жазманын жалпы көлөмү шилтемелер, таблицалар жана иллюстрациялар менен бирге 7ден 15 бетке чейин.

Бардык кабыл алынган макалалар сокур рецензиядан өтөт жана антиплагиат тестинен өткөрүлөт. Текст кеминде 70% уникалдуу болушу керек. Талаптарга жооп бербеген макалалар басууга сунушталбайт.

Келтирилген адабияттар макаланын аягында келтирилген тартипте берилет. Адабияттар тизмеси 7ден кем эмес булактарды камтууга тийиш.

Редакция келип түшкөн материалдарды кыскартуу жана оңдоо киргизүү укугун өзүнө калтырат.

Бир макаланын жарыялоо акысы кыргызстандык авторлор үчүн 2000 сомду түзөт. Чет элдик авторлор үчүн төлөм 50 долларды түзөт. Төлөм макала журналдын редакциясы тарабынан жактырылгандан жана жарыялоого кабыл алынгандан кийин аткарылат.

Редакцияга төмөнкүлөрдү жиберүү керек:

  • талаптарга ылайык форматталган илимий макала;
  • төлөм квитанциясынын көчүрмөсү ("Илим Билим Консалтинг" ЖЧКсына же бухгалтерияга депозитке берилет).

Мурда башка басылмаларда жарыяланган эмгектер каралбайт.